Dagskrá vikunnar og ráslistar

Reykjavíkurmeistarmótið hefst á morgun mánudag kl. 12:00 á fjórgangi V1 ungmenna. Dagurinn verður mikill fjórgangsdagur en honum lýkur svo með fyrri tveimur sprettunum í 150 og 250m skeiði á stóra vellinum.

Knapafundurinn verður í gangi á viðburðinum á Facebook, þar til mótið hefst. Ef eitthvað brennur á fólki þá er hægt að hafa samband við mótsstjóra og yfirdómara í síma eða með pósti á skraning@fakur.is

Nokkrir punktar til að hafa í huga:

• Ráslistar eru tilbúnir, hægt að skoða í LH Kappa appinu.
• Hægt er að afskrá þar til einni klst áður en grein hefst. Þá er ráslisti þeirrar greinar endanlegur.
• Endanleg dagskrá er hér meðfylgjandi og í appinu.
• Mótið er WR. Breytingar FEIF 2021 er að finna hér.
• Útvarpið er á FM 106,5.

Alendis.tv mun sýna beint frá mótinu alla mótsdagana þannig að allir hafa möguleika á að horfa á.

Víðidalurinn mun taka vel á móti keppendum, aðstandendum og öðrum gestu og skartar nú þegar sínu allra fegursta. Mótsstjórn óskar keppendum góðs gengis og drengilegrar keppni.

Dagskrá Reykjavíkurmeistaramóts