Reykjavíkurmeistaramót – stærsta mót frá upphafi?

Skráningu er lokið á Reykjavíkurmeistaramótið í hestaíþróttum og er metþátttaka í mótinu en alls bárust 890 skráningar og trúlega er það stærsta hestaíþróttamót Íslandshestaheimsins til þessa!

Ljóst er að mótið er gríðarlega stórt og verða allir sem að því koma, mótshaldarar, keppendur og starfsfólk, að standa saman svo allt gangi sem allra best fyrir sig.

Meðfylgjandi eru drög að dagskrá mótsins. Athugið að skráningar eru á ábyrgð keppenda og forráðamanna knapa og eru þeir því beðnir um að fara vel yfir skráningar sínar í LH Kappa appinu.

Verið er að vinna í ráslistum og verða þeir birtir síðdegis fimmtudaginn 25. júní. Allar leiðréttingar þurfa að berast fyrir kl. 16:00 þann dag á netfangið skraning@fakur.is.