Stærsta hestaíþróttamót ársins framundan

Íþróttamót Fáksmanna, Reykjavíkurmeistaramótið, er jafnan stærsta og sterkasta íþróttamót Íslandshestamennskunar á hverju ári. Mótið fer fram í Víðidalnum dagana 29. júní – 5. júlí.  

Mótið sækja sterkustu keppendurnir og keppt er í yngri flokkum, 1. og 2. flokki, sem og meistaraflokki. Í fyrra voru þátttakendur yfir 300 talsins og skráningar þeirra í mismunandi greinar yfir 700.

Á Facebook má finna viðburðinn undir nafninu „Reykjavíkurmeistaramót Fáks 2020“ og þar má finna ýmsar upplýsingar um mótið, svo það er um að gera að melda sig eða merkja við „going“ á þann viðburð til að fylgjast með fréttum.

Einungis verður tekið er við skráningum í Sportfeng dagana 8. – 22. júní. Allar spurningar varðandi skráningar á mótið skal senda skriflega á skraning@fakur.is. Skráningar sem berast eftir að skráningarfresti lýkur verða ekki teknar gildar.

Nokkur atriði sem keppendur skulu hafa í huga:

• Nái skráningar ekki 25 í flokki eru eingöngu riðin A-úrslit.
• Nái skráningar ekki 10 í flokki fellur flokkurinn niður.
• Keppendur eru ábyrgir fyrir skráningu sinni.
• Keppendur skulu hafa kynnt sér nýjustu útgáfu af keppnisreglum. Sjá nánar á vef LH og/eða FEIF.

Skráningargjöld eru eftirfarandi:

• 7.500 kr – meistaraflokkur og ungmennaflokkur (nema PP1, T3, V2 kr. 7.000)
• 7.000 kr – 1. og 2. flokkur
• 5.500 kr – barna- og unglingaflokkur
• 5.500 kr – 150m, 250m og 100m flugskeið

 Það verður mikill hestakostur og glæsileg umgjörð sem einkenna munu Víðidalinn í Reykjavík þessa mótsdaga um næstu mánaðarmót og allir velkomnir að koma og fylgjast með.

Boðið verður uppá eftirfarandi flokka náist næg þátttaka: