Minnum á kvennareiðtúrinn á föstudaginn kl. 18:30 frá Reiðhöllinni. Riðin hringur sem er passlegur fyrir einn hest. Mjúkar moldargötur og stinamjúkir herramenn munu hjálpa okkur til að gera reiðtúrinn skemmtilegan. Komið svo aftur í hesthúsin og skundað niður í félagsheimili þar sem verður flottur matur á sanngjörnu verði og mjöður með, og þar verður spilað á gítar og skemmt sér fram eftir kvöldi.
Höfum gaman saman og mætum allar.
Hvammsvöllurinn er lokaður í dag frá kl. 14:55 - 17:10
Á fimmtudaginn verður Hvammsvöllurinn lokaður frá kl. 10:00 - 13:00 vegna æfingamóts fyrir LM úrtökuna.
Gæðingamót Fáks og úrtaka fyrir Landsmót fer fram á félagssvæði Fáks í Víðidal dagana 24. - 27. maí næstkomandi.
Auk gæðingaúrtöku fer fram keppni í tölti og skeiði. Töltið er opið fyrir 18 ára og eldri og verður riðið T1, þ.e. einn inná í einu, einn flokkur. Vegleg verðlaun verða í öllum greinum og að auki verður hin glæsilega „Gregersen-stytta“ veitt þeim Fákskeppanda sem sýnir prúðmennsku og snyrtimennsku í hvítvetna og er ávallt klæddur Fáksbúningi í allri keppni á meðan á mótinu stendur.
Skráning á mótið fer fram fimmtudaginn 17. maí á skrifstofu Fáks í Reiðhöllinni á milli kl. 20 og 22 gegn greiðslu skráningargjalda. Einnig er unnt að skrá í síma 567 0100, 567 2166, 897 4467 og 848 1315 með því að gefa upp kortanúmer til greiðslu skráningargjalda. Ekki er tekið við skráningum nema kennitala knapa og IS númer hests liggi fyrir.
Keppnisgreinar eru eftirfarandi:
• A flokkur gæðinga
• A flokkur gæðinga áhugamenn
• B flokkur gæðinga
• B flokkur gæðinga áhugamenn
• Barnaflokkur
• Unglingaflokkur
• Ungmennaflokkur
• 100 m skeið
• 150 m skeið
• 250 m skeið
• Tölt T1 aldurstakmark 18 ára á árinu og eldri.
Skráningargjald í gæðingakeppni og skeið er kr. 4.000, kr. 3.000 fyrir börn og unglinga, en kr. 5.000 í töltið.Tölt, kappreiðar og fljúgandi skeið er opið öllum að teknu tilliti til aldurs en aðrar greinar eru eingöngu fyrir skuldlausa Fáksfélaga þar sem þar fer fram úrtaka Fáks fyrir Landsmót 2012. Í gæðingakeppninni þarf hesturinn að vera í eigu Fáksfélaga og hann þarf að vera skuldlaus. Mótanefnd Fáks áskilur sér rétt til þess að fella niður keppnisflokka ef þátttaka telst ekki næg.
ATH: skráning fer ekki fram fyrr en skráningargjald hefur verið greitt!
Að venju ríða áhugamenn í A og B flokki með atvinnumönnum en áhugamenn ríða svo sérstök úrslit sunnudaginn 27. maí.
Pollar eru alltaf með á Gæðingamóti Fáks bæði vanir og óvanir. Vanir pollar ríða hægt tölt og fegurðartölt. Óvanir pollar eiga að vera teymdir af forráðamanni. Allir pollar sem eiga grímubúninga eru hvattir til að mæta í þeim. Svo má líka skreyta hestana og um að gera að láta alla regnbogans liti njóta sín. Pollum er ekki sætaraðað en þeir fá allir verðlaunabikar frá Fáki. Pollum er ekki heimilt að mæta á stóðhestum. Við pollaskráningu er gott að fá litríkar lýsingar á búningum og hestum en ekki er þörf á ISnúmeri hesta. Ekkert skráningargjald er í pollaflokk en skráning fer fram um leið og önnur skráning fer fram. Gert er ráð fyrir að pollar komi fram á Hvammsvellinum laugardaginn 26. maí en það verður nánar auglýst þegar dagskrá liggur fyrir.
Tími á keppnisnámskeiði á morgun (þriðjudag). Ein knapi í einu ríður sitt prógramm á vellinum (sjá tímasetningar neðar).
Sigurbjörn Bárðarson og Sigrún Sigurðardóttir gefa öllum skriflega umsögn og leiðbeina knöpum við að setja upp nýtt prógramm ef þörf er á.
Síðan verður æfingamót fimmtudaginn 17. maí, (uppstigningardag) kl 10:00
Sama röð verða á knöpum þá og eru á morgun.
Mikilvægt er að vera mætt tímanleg við brautarenda á vel upphituðum hesti.
Röð knapa (sjá nánar)
Á síðasta laugardag var haldið frábært mót á vellinum í Almannadal. Töluverð þátttaka var enda bara vel ríðandi menn sem eru í kringum Almannadal eða komast þangað ríðandi. Heimamenn buðu upp á grillaðar pylsur, gos og gullin vökva til að renna góðgætinu niður.
Þökkum öllum þeim sem komu að mótinu og sjáumst hress á næsta ári á Almannadalsmóti.
Keppt var í tölti á hringvelli, hægt tölt og fegurðartölt. Einnig í 100 m skeiði.
Pollar fengu allir þátttökuverðlaun:
Barnaflokkur - tölt:
Unglingaflokkur – tölt:
Byrjendaflokkur – tölt:
Konur- tölt:
Karlar – tölt:
Skeið 100 m
1. Guðmundur Jónsson á Eðal frá Höfðabrekku 8,50 sek.
2. Valgerður Sveinsdóttir á Ösku frá Hraunbæ 10,56 sek
Knapamerkjapróf verður nk. föstudag. Boðið verður upp á endurtökupróf fyrir þá sem vilja í knapamerki eitt, tvö, þrjú og fjögur. Þeir sem hafa hugsað sér að taka próf í knapamerkjum verða að skrá sig fyrir fimmtudaginn á netfangið
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
Eins og eignendur hesthúsa í Reykjavík hafa orðið varið við ætlar Reykjavíkurborg að innheimta fasteingagjöld þar sem hesthús eru gjaldfærð í flokki C sem þýðir um 700% hækkun á fasteingagjöldum miðað við það sem áður var.
Fákur og Landssamband hestamannafélaga voru búnir að senda inn til innaríkisráðuneytisins beiðni um leiðréttingu á lögunum sem taka yfir þennan málaflokk. Málið er í vinnslu og í höndum Alþingis og verður tekið fyrir á þinginu væntanlega fyrir þinglok. Hesthúseigendur í Fáki eru mjög ónægðir með framgöngu Reykjavíkurborgar að fara strax í innheimtu í ljósi þess að málið er í vinnslu Alþingis og ætti að vera afgreitt þaðan fljótlega.
Hestamannafélagið Fákur, í samráði við lögfræðing LH, er að vinna að harðorðu bréfi til Reykjavíkurborgar þar sem þessari innheimtu er mótmælt harðlega og Reykjavíkurborg beðið með að innheimta fasteignagjöldin þangað til lagalegri óvissu lýkur.
Hesthúseigendur verða upplýstir nánar þegar eitthvað skýrist meira með þessi mál.
Fákur hefur samið við Ástund um lækkun á verði á keppnisjökkunum (Fáksjökkunum). Einnig hefur stjórnin ákveðið að styrkja þá sem vilja kaupa sér keppnisjakka fyrir landsmótið með kr. 10.000 auka afslætti (skuldlausir félagar). Keppnisjakkarnir eru til sölu í Ástund og kosta kr. 35.000 og síðan geta Fáksfélagar komið með nótu á skrifstofu félagsins og fengið 10.000 styrk til niðurgreiðslu á jakkanum.
Síða 1 af 60
