Úrslit Gæðingamóts Fáks

Veðrið lék við hesta og menn í Víðidalnum í gærkvöldi þegar úrslit voru riðin í A- og B-flokki ásamt töltkeppni og úrslitum í henni. Það var Póstur frá Litla-Dal sem sigraði B-flokk með einkunnina 8,89, knapi á honum var Gústaf Ásgeir Hinriksson. Hafsteinn frá Vakurstöðum sigraði A-flokk með einkunnina 8,94 og knapi á honum var Teitur Árnason.

Eftir forkeppni í tölti stóð Hinrik Bragason efstur á Hreim frá Kvistum með einkunnina 7,37. Úrslitin voru síðan riðin seinna um kvöldið og voru það Jóhanna Margrét Snorradóttir og Kári frá Ásbrú sigruðu þau með einkunnina 7,56.

Vinningshafi Gregersens styttunnar árið 2018 er Henna Johanna Sirén en styttan er ávallt afhent á Gæðingamóti Fáks. Hún var gefin af félögum Ragnars Gregersen til minningar um hann og þá snyrtimennsku og prúðmennsku í hestamennsku sem einkenndi hann. Ragnar bar sig ætíð höfðinglega, var vel og snyrtilega klæddur og reið ávallt fasmiklum og vel hirtum hrossum. Það tóku allir eftir Ragnari hvar sem hann reið um á hestum sínum.Styttan er farandgripur og skal veita á Gæðingamóti Fáks á hverju ári. Hún er veitt Fáksfélaga sem klæðist Fáksbúningi í allri keppni á mótinu og þykir vera til fyrirmyndar hvað varðar prúðmannlega reiðmennsku, klæðaburð og hirðingu hests. Hesturinn skal jafnframt vera í eigu Fáksfélaga.