Það verður veisla á fimmtudaginn þegar gæðingafimi í Meistaradeild Cintamani fer fram í TM-Reiðhöllinni í Víðidal.
Upp úr 17:30 verður Sigvaldi Kokkur með mat í sal TM-Reiðhallarinnar. Á boðstólnum verður nautafille og kalkúnabringa með bernaises og sveppasósu auk meðlætis. Verð aðeins 2.500 krónur á mann.
Klukkan 17:45 mun Steinar Sigurbjörnsson kynna þjálfunaraðferð sem hann hefur nýtt sér undanfarin ár. Þjálfunaraðferðin kallast Intrinzen en hún opnar fyrir ný ævintýri í hestamennskunni og er fyrir alla hestamenn og hross á öllum stigum þjálfunar.
Klukkan 19:00 hefst svo gæðingafimin og stendur hún fram á kvöld.
Miðaverð er 1.500 krónur.
Veisla sem enginn má missa af.
Mætum tímanlega.
