Hestadagar í Reykjavík er samvinnuverkefni LH, Höfuðborgarstofu, og hestamannafélaganna á stórhöfuðborgarsvæðinu og verða haldnir dagana 4. – 7. apríl næstkomandi.Dagskráin verður með fjölbreyttu sniði þetta árið. Föstudaginn 5. apríl ætla hestamannafélögin Fákur, Hörður, Sóti, Sprettur og Sörli að bjóða gestum og gangandi í félögin sín. Valin hesthús verða opin fyrir áhugasama og hestateymingar verða í boði í reiðhöllum félaganna ásamt léttum veitingum. Öll hestamannafélögin verða með sömu dagskrá á sama tíma.
17:00 – 19:00
Opin hesthús, valin og merkt með blöðrum.
Teymingar í reiðhöllum félaganna
18:00
Börn og unglingar sýna atriði
Kaffi, svali og kjötsúpa verður í boði í hverju félagi.
Eins og í fyrra verður farin skrúðreið á laugardeginum 6. apríl og að þessu sinni verður farinn hringur í miðbænum.
13:00-16:00
Dagskrá í Húsdýragarðinum – teymt undir börnum, fræðsla um hestinn, heitjárning sýnd, byggingadómar. Hestar fléttaðir og fleira skemmtilegt.
FRÍTT INN ALLAN DAGINN!
Um kvöldið endum við svo á að horfa á flottustu töltara landsins á skautasvellinu í Laugardal:„Ístölt – þeir allra sterkustu“.
Sunnudagurinn er tileinkaður æskunni. Sýningin Æskan og hesturinn er fjölskylduhátíð í Reiðhöllinni í Víðidal sem öll hestamannafélögin á stórhöfuðborgarsvæðinu standa að. Haldnar verða tvær sýningar á sunnudeginum 7.apríl. Sýning þessi hefur alltaf verið gríðarlega vinsæl og þar má sjá framtíðarknapa Íslands leika listir sínar með fákum sínum.
Dagskrá hestadaga má finna inn á lhhestar.is
Viðburður sem engin áhugamaður um íslenska hestinn ætti að missa af!
Dagskrá
Fimmtudagur 4. apríl
16:00 – Setningarathöfn í Ráðhúsi Reykjavíkur
Borgarstjóri Reykjavíkur kemur í hestvagni að ráðhúsinu ásamt fríðu föruneyti og setur hátíðina.
Allir velkomnir, léttar veitingar í boði.
Föstudagur 5. apríl
Hestamannafélögin á höfuðborgarsvæðinu bjóða heim!
Föstudaginn 5. apríl ætla hestamannafélögin Fákur, Hörður, Sóti, Sprettur og Sörli að bjóða gestum og gangandi í félögin sín. Valin hesthús verða opin fyrir áhugasama og hestateymingar verða í boði í reiðhöllum félaganna ásamt léttum veitingum. Öll hestamannafélögin verða með sömu dagskrá á sama tíma.
Kl. 17:00 – 19:00
Opin hesthús (valin og merkt með blöðrum) Teymingar í reiðhöllum félaganna
Kl. 18:00 Börn og unglingar sýna atriði
Kaffi, svali og kjötsúpa verður í boði í hverju félagi.
Laugardagur 6. apríl
Kl. 13:00-16:00 – Dagskrá í Húsdýragarðinum – teymt undir börnum, fræðsla um hestinn, heitjárning sýnd, byggingadómar. Hestar fléttaðir og fleira skemmtilegt.
FRÍTT INN ALLAN DAGINN
Kl. 13:00 – Skrúðreið frá BSÍ – ca. 150 hestar – BSÍ, upp á Skólavörðuholt, niður Skólavörðustíg, yfir Lækjargötu, Austurstræti, Pósthússtræti, Kirkjustræti og Tjarnargata að Ráðhúsi, áfram Tjarnargötu, í gegnum Hljómskálagarð, yfir Njarðargötu og aftur að BSÍ.
Kl. 20:00 – Ístölt þeirra allra sterkustu í Skautahöllinni í Laugardal
Sunnudagur 7. apríl
Æskan & hesturinn í reiðhöllinni í Víðidal kl. 13:00 og 16:00
