Dagskrá WR Reykjavíkurmeistaramóts

Dagskrá Reykjavíkurmeistaramótsins liggur nú fyrir. Heildarfjöldi skráninga er 830, þannig að gera má ráð fyrir frábærum hestum og knöpum í öllum aldurs- og styrkleikaflokkum. Í ár er mótið viku fyrr en hefð er fyrir. Það þýðir að börn og unglingar verða ekki komin í sumarfrí og tók gerð dagskrár auðvitað tillit til þess eins og hægt var. Athugið að dagskráin er auðvitað komin í HorseDay líka og mun verða uppfærð þar ef þörf krefur.

Hér er beinn tengill á Facebook síðu mótsins, þar sem opnaður hefur verið knapafundur með yfirdómara og mótsstjóra. Þar koma inn allar tilkynningar til knapa og gesta, svo það er mikilvægt að skoða þá síðu reglulega yfir daginn.

Við minnum keppendur og aðstandendur þeirra á að kynna sér vel lög og reglur og einnig þær breytingar sem urðu á keppnisreglum þann 1. apríl s.l.

Mótanefnd Fáks