Dagskrá vikunnar og ráslistar

Reykjavíkurmeistarmótið hefst á mánudag kl. 12:00 á keppni í tölti T7. Dagurinn verður mikill töltdagur en honum lýkur svo með fyrri tveimur sprettunum í 150 og 250m skeiði á stóra vellinum.

Knapafundurinn er og verður í gangi á viðburðinum á Facebook, þar til mótið hefst. Ef eitthvað brennur á fólki þá er hægt að hafa samband við mótsstjóra og yfirdómara með tölvupósti á skraning@fakur.is.

• Mótsstjóri: Hilda Karen Garðarsdóttir
• Yfirdómari: Sigurður Emil Ævarsson
• Framkvæmda- og vallastjóri: Einar Gíslason
• Vallastjóri: Þórir Örn Grétarsson

Nokkrir punktar til að hafa í huga:

• Ráslistar eru tilbúnir, hægt að skoða í LH Kappa smáforritinu eða smella hér. Keppendur eru ábyrgir fyrir því að sínar skráningar séu réttar.
• Hægt er að afskrá þar til einni klst áður en keppni í grein hefst. Þá er ráslisti þeirrar greinar endanlegur.
• Endanleg dagskrá er hér meðfylgjandi og í LH Kappa smáforritinu.
• Mótið er World Ranking mót. Hér má finna reglur FEIF og hér eru reglur LH.
• Útvarpið er á FM 106,5.

 Alendis.tv mun sýna beint frá mótinu þannig að allir hafa möguleika á að fylgjast vel með. Sjá útsendingardagskrá á vef þeirra.

Víðidalurinn mun taka vel á móti keppendum, aðstandendum og öðrum gestum og skartar nú þegar sínu allra fegursta. Mótsstjórn óskar keppendum góðs gengis og drengilegrar keppni.

Dagskrá WR Reykjavíkurmeistaramóts Fáks: