Dagskrá og ráslistar Íslandsmóts ungmenna & fullorðinna

Íslandsmót ungmenna & fullorðinna hefst á félagssvæði Fáks í Reykjavík fimmtudaginn 25. júlí kl. 12:00. Knapafundur verður á FB viðburði mótsins og ef eitthvað brennur á fólki þá er hægt að hafa samband við mótsstjóra og/eða yfirdómara í síma eða með fyrirspurn á skraning@fakur.is. Athugið einnig að keppendum er velkomið að koma við í fótaskoðun og láta fara yfir búnað, leiki vafi á lögmæti hans í keppni.

Keppendur í gæðingalist athugið: í báðum flokkum fellur sú grein niður vegna lítillar þáttöku.

Nokkrir punktar til að hafa í huga:

• Ráslistar eru tilbúnir, hægt að skoða í HorseDay smáforritinu.
• Hægt er að afskrá þar til einni klst áður en grein hefst. Þá er ráslisti þeirrar greinar endanlegur.
• Endanleg dagskrá er hér meðfylgjandi og í HorseDay.
• Mótið er WR. Breytingar FEIF 2024 er að finna hér sem og aðrar reglur um keppni á vef LH. Þátttakendur bera ábyrgð á því að kynna sér reglur um þá keppni sem þeir skrá sig til þátttöku í.

Tengiliðir mótsins:

• Þórir Örn Grétarsson, framkvæmdastjóri – 897 7654
• Siggi Ævars, mótsstjóri – 898 3031
• Sigríður Pjetursdóttir, yfirdómari – 899 7792

Alendis.tv mun sýna beint frá mótinu, þannig að allir hafa möguleika á að horfa á.

Víðidalurinn mun taka vel á móti keppendum, aðstandendum og öðrum gestum og skartar nú þegar sínu fegursta.

Mótsstjórn óskar keppendum góðs gengis og drengilegrar keppni.

Dagskrá