Úthlutun viðrunarhólfa í Víðidal og Almannadal

Dregið var í gær um úthlutun viðrunarhólfa fyrir tímabilið 10. júní til 30. september 2025. Viðstaddir úrdráttinn var framkvæmdastjóri, Sigurður Elmar stjórnarmaður í Fáki og Kári Steinsson sem sá um að draga úr hópi umsækjenda sem fór þannig fram að umsækjendur voru settir í pott sem svo var dregið úr.

Hólfin verða afmörkuð upp úr miðjum maí með tréhælum. Hægt er að hafa samband við framkvæmdastjóra þegar búið er að merkja upp hólfin sé eitthvað óljóst um hvar hólfið viðkomandi er.

Krafa verður stofnuð á umsækjendur í vikunni og hafa þeir til 23. maí að greiða kröfuna. Eftir þann tíma fellur krafan niður og hólfið gengur aftur til Fáks sem úthlutar því efsta manni á biðlista og svo koll af kolli.

Hér má sjá nánar allar upplýsingar um þær reglur sem um hólfin gilda. 

Ný stjórn mun taka reglur um viðrunarhólf til endurskoðunar fyrir næsta ár.

Uppfært 26. maí:

Eftir vettvangsskoðun hefur verið ákveðið að bæta við hólfum og var dregið um þau í dag 9. maí og hefur tilkynning verið send á þau sem voru á biðlista. Athugið að hólf í kringum Brekkuvöll skal taka niður á tímabilinu 7.-15. júní þegar Reykjavíkurmeistaramót fer fram.