Fréttir

Hreinsunardagur Fáks

Þriðjudagurinn 17. apríl er hinn árlegi hreinsunardagur Fáksmanna, enda er hann alltaf þriðjudaginn fyrir sumardaginn fyrsta. Hreinsunardagurinn hefst kl. 17:00 og lýkur með grilli í Guðmundarstofu frá kl. 18:30 – 19:00.

Allir sem vettlingi geta valdið eru beðnir að hjálpa til við að halda svæðinu OKKAR hreinu og snyrtilegu. Okkar svæði, okkar rusl og okkar að hafa það snyrtilegt og hreint. Ruslapoka er hægt að nálgast í Reiðhöllinni (í andyrinu) en eins verður gengið í hesthús og afhentir pokar.

Þeir sem eiga bagga eða rúllur fyrir utan hesthús eru beðnir um að ganga frá endum. (fjúkandi plast getur fælt hesta!). Þeir sem eiga hey á baggastæðinu við reiðhöllina eru beðnir um að taka sérstaklega vel til þar.

Gámar verða staðsettir í Víðidal, við félagsheimili Fáks og í Almannadal.

Margar hendur vinna létt verk 🙂