Hin árlega sýning hestamannafélagsins Spretts, Dymbilvikusýningin, fer fram 16.apríl nk. í Samskipahöllinni.
Sýningarnefnd hefur tekið til starfa og er sem áður stórhuga og stefnir allt í stórskemmtilega sýningu. Eins og undanfarin ár verður haldin létt keppni milli nágranna hestamannafélaganna um flottustu ræktunarhestana.
Ungir Sprettarar ætla að mæta á svæðið og halda uppi stuðinu, Íþróttafólk Spretts, Töltgrúppa Spretts, kynbótahross, ræktunarbú, létt grínatriði o.m.fl. Sýningaratriði verða kynnt betur þegar nær dregur.
Húsið opnar kl 18:00
Sýningin hefst kl 20:00
Hægt verður að kaupa léttar veitingar og drykki.
Miðaverð inn á sýninguna 2000 kr, selt við innganginn.
Hlökkum til að sjá ykkur!
