Á næstu vikum verður farið í átak við að losa kerrur frá hesthúsunum í Víðidal og Faxabóli. Áður en til þess kemur hvetjum við kerrueigendur til að skrá sig inn á kerrusvæði Fáks en það er nú orðið afgirt og með rafmagnshliði.
Árgjald á kerrusvæðið er 20.000 kr eða 1.667 krónur á mánuði. Hægt er að skrá tvö símanúmer á hverja kerru.
Skráðar kerrur verða merktar á næstu dögum með miða sem má sjá hér hægra megin.
Reglur um kerrusvæði Fáks eru hér að neðan auk skráningarforms.
Reglur um kerrusvæði Fáks við Breiðholtsbraut
- Kerrusvæði er eingöngu fyrir skuldlausa félagsmenn Fáks.
- Allir leigjendur þurfa að skrá sig og kerrur sínar í formið hér að neðan.
- Tveir aðilar (tvö símanúmer) geta verið um hverja kerru.
- Símanúmer tengd leigjendum geta hringt í hliðið inn á svæðið til að opna það.
- Leigjendur greiða árgjald fyrir kerrur sínar. Greiðsluseðlar eru sendir í október ár hvert fyrir tímabilið 1. nóvember til 31. október.
- Stjórn ákveður árgjald fyrir 1. ágúst ár hvert.
- Óheimilt er að geyma annað en hestakerrur á svæðinu.
- Óheimilt er að veita þriðja aðila aðgang að svæðinu.
Árgjald á kerrusvæði 1. nóvember 2024 til 31. október 2025.
Verð per kerru: 20.000 krónur.
