Almennir fundir í fundarröð stjórnar hrossabænda og Fagráðs í hrossarækt um málefni hrossaræktarinnar hefjast í febrúar.

Mánudaginn 10. febrúar næstkomandi klukkan 20:00 verður fundurinn haldinn í veislusal Lýsishallarinnar á annarri hæð.

Helstu málefni sem tekin verða fyrir á fundunum eru m.a. eftirfarandi:

  • Málefni hrossabænda
  • Notkun keppnisdóma í kynbótamatinu
  • Þróun kynbótadómsins
  • Hrossaræktin almennt

Eins og sjá má verður margt áhugavert á döfinni.

Fulltrúar hrossabænda og fagráðs, þau Nanna Jónsdóttir formaður stjórnar hrossabænda og fagráðs og Þorvaldur Kristjánsson, hrossaræktarráðunautur verða á ferðinni.

Hvetjum hestamenn og hrossaræktendur til að fjölmenna á fundina og nýta tækifærið til að kynna sér verkefnin og leggja sitt til málanna.

Heitt á könnunni!