Fákur sér um snjómokstur á reiðvegum á félagssvæði sínu.

• Verklag er með þeim hætti að þegar snjóar að þá er fyrst forgangssvæði 1 þjónustað og 2 í framhaldinu sé tími til þess.
• Snjómokstur getur verið tímafrekur eftir aðstæðum en ávalt má búast við að forgangssvæði 1 sé þjónustað samdægurs og svæði 2 daginn eða dagana á eftir.

Meðfylgjandi kort sýnir hvaða svæði eru í fyrsta og öðrum forgangi. Hægt er að senda ábendingar vegna þessa á fakur@fakur.is.

Hestamannafélagið Fákur og Icebike Adventures sem sjá um gerð gönguskíðabrauta á Hólmsheiði og á Rauðavatni hafa gert með sér yfirlýsingu um samstarf um samnýtingu reiðvega á Hólmsheiði.

Á þeim tíma sem snjór hylur reiðvegi á Hólmsheiði hefur Sporið leyfi til að leggja gönguskíðaspor á þeim. Þessar leiðir eru sérstaklega skilgreindar og eru utan þeirra leiða sem Fákur sinnir vetrarþjónustu á. Þessar leiðir eru skilgreindar á neðan greindu korti en þar má sjá hvar gönguskíðasporin eru að finna og hvaða leiðir Fákur er með vetrarþjónustu ár.