1.1. Stefna félagsins um þjálfara

• Stefna félagsins er að leiðbeinendur og reiðkennarar sem gegna stöðu þjálfara hjá félaginu séu með gild réttindi og séu á lista LH og FEIF yfir virka þjálfara, sjá nánar á heimasíðu FEIF: https://www.feif.org/education-dept/trainers/
• Erlendir þjálfarar skulu hafa gild réttindi í sínu heimalandi eða vera á reiðkennaralista LH og FEIF.

Þjálfarastig LH og FEIF eru eftirfarandi:

• Leiðbeinandi Level 1: Getur kennt byrjendum og frístundar knöpum grunnatriði í reiðmennsku og gangtegundum, með mikla áherslu á hestamennsku, þ.e að halda og meðhöndla íslenska hestinn auk almennra útreiða á honum.
  • Menntun:
    • Hólar 1. ár
    • Knapamerki 1-5 auk skyndihjálp 20 tímar og ÍSÍ þjálfaranámskeið.
    • FT próf tekið fyrir 2005: stöðupróf í knapamerkjum 3-5 auk ÍSÍ þjálfaranámskeiðs.
• Leiðbeinandi Level 2: Getur kennt frístundar knöpum og keppnis knöpum upp í millistig. Þessi menntun getur falið í sér hæfni til þjálfunar unghesta, þótt hún geri það ekki alltaf.
  • Menntun
    • Hólar 2. ár
• Leiðbeinandi Lavel 3: Getur kennt knöpum á öllum getustigum, mismunandi greinum sportsins, sem og kynbótahluta greinarinnar. Þessi menntun felur í sér sannaða hæfni til þjálfunar unghrossa.
  • Menntun
    • Hólar 3. ár (BS í reiðmennsku og reiðkennslu)
• Reiðkennari Level 4: Eru alþjóðlegir sérfræðingar, færir um að kenna og þjálfa aðra leiðbeinendur, þjálfara og dómara, sem og hesta og knapa á öllum sviðum.
  • Menntun:
    • Meistaranám við hestafræðideild Hóla.

• Þjálfarar félagsins skulu kynna sér nýjustu strauma og stefnur í þjálfun íslenska hestsins og þjálfun knapa þeirra. Þeir skulu sækja endurmenntunarnámskeið sem samþykkt eru af menntanefnd LH eða FEIF a.m.k. einu sinni á hverju þriggja ára tímabili.
• Hafi þjálfarar dottið út af reiðkennaralista LH og FEIF, þurfa þeir að fara á eitt opinbert símenntunarnámskeið samþykkt af menntanefnd LH eða FEIF (16 símenntunareiningar) áður en þeir geta hafið þjálfun hjá félaginu.
• Kröfur um gild þjálfaréttindi gilda ekki um sýnikennslur á vegum félagsins.
• Félagið getur ráðið til sín þjálfara sem ekki uppfylla ofangreind skilyrði hafi þjálfari þjálfað á vegum félagsins fyrir gildistöku þessarar stefnu.
• Félagið gerir skriflegan ráðningarsamning við þá þjálfara sem það ræður til sín.

1.2. Skyldur stjórnar gagnvart þjálfara og stuðningur

• • Stjórn félagsins sér þjálfurum á vegum félagsins fyrir öruggu og góðu starfsumhverfi.
  • Stjórn félagsins ber ábyrgð á fjármögnun starfsgildis yfirþjálfara hjá félaginu og skal vinna að því að sækja frekari styrki til félagsins til fjármögnunar þess.