Stjórn skipar æskulýðsnefnd sem starfar sem undirnefnd stjórnar. Æskilegt er að æskulýðsnefnd sé skipuð a.m.k. að hluta til af foreldrum eða forráðamönnum polla, barna, unglinga eða ungmenna sem eru iðkendur í félaginu.

Nefndin skipar úr sínum hópi formann sem er ábyrgur gagnvart stjórn félagsins fyrir störfum nefndarinnar og stýrir fundum hennar.

Markmið æskulýðsnefndarinnar er m.a. eftirfarandi:

• Að efla æskulýðsstarf félagsins.
• Að efla tengsl foreldra og forráðamanna þeirra polla, barna, unglinga og ungmenna sem eru iðkendur í félaginu.
• Að efla samskipti og félagsleg tengsl milli iðkenda, bæði með og án hests.
• Að stilla upp viðburðar- og námskeiðisáætlun með æskulýðsfulltrúa og framkvæmdastjóra félagsins.
• Að undirbúa og stýra viðburðum æskulýðsnefndar.

Æskulýðsnefnd stefnir að því að ná þessum markmiðum með því að:

• Hvetja foreldra til þátttöku með börnum sínum í starfi félagsins og viðburðum á vegum æskulýðsnefndarinnar.
• Að vera opin og sveigjanleg fyrir nýjum hugmyndum.
• Að hvetja foreldra til að aðstoða við skipulagningu og framkvæmd viðburða á vegum æskulýðsnefndar.