Framtíð hestamennskunnar í Borginni í hættu?

Í kvöld, þriðjudagskvöldið, 29. apríl, munu frambjóðendur í borgarstjórnarkosningum heimsækja okkur Fáksmenn og ræða framtíð hestamennskunnar í Reykjavík.  Nú er tækifæri okkar hestamanna að koma  okkar sjónarmiðum á framfæri og opna augu þeirra sem munu ráða í Borginni fyrir því að hestamennskan er þriðja fjölmennasta íþróttagreinin og við þurfum stuðning eins og aðrar íþróttagreinar.

Með því að mæta vel á fundinn (sem verður stuttur) sínum við þeim að það þarf að taka tillit til okkar og þá eru meiri líkur er að við náum árangri með svæðið okkar í framtíðinni.  Það er alveg ljóst að ef við gerum ekkert fáum við ekkert svo sem flestir verða að mæta og hafa áhrif á verðandi borgarstjórnarmenn.

Umræðuefni eru meðal annars, skipulag svæðisins, reiðvegir, nýliðun, hestamennskan sem íþrótt og tómstundargaman, reiðhöllin, lýsing á reiðvegum og hestamennskan almennt í höfuðborginni.

Fundarstjóri er Sigurbjörn Bárðarson.

Félagsheimili Fáks kl. 20:00

Stjórn Fáks hvetur alla Fáksmenn og áhugamenn um hestamennsku til að fjölmenna og taka þátt í umræðum ásamt því að njóta góðra veitinga. Nú þurfum við Fáksmenn að standa saman, oft er þörf en nú er nauðsyn – Allir að mæta.

Með kveðju Stjórn Fáks.